Musikanten

Hab’ die Ehre – Saupreißn in a Lederhosn!

Peter

Bassflügelhorn

Da Peter spuit mit seim Bassflügelhorn sozsogn de erste Geign in unserer kloana, aber feina Kapelln. Aa sonst hockt er se auf unserm musikalischn Affnfelsn gern ganz nauf.

Weil er gern mit de Klangfarbn spuit, wechslt er, wia’s eam grad passt, amoi zum Tenorhorn oder gar zu ana söiba baudn Ventilposaun. Mia bittn um Nachsicht.

Ois Organisator und Ansprechpartner findn S’ eam unter „Kontakt“. Ansonstn hoit er’s mim Karl Valentin: „I gfrei mi, wenn’s regnt – weil wenn i mi ned gfrei, regnt’s aa.“

Michael

Trompetn und Flügelhorn

Da Michael hod bei uns mit Flügelhorn und Trompetn a ruhigs Leben, weil er mit seina zwoatn Stimm de fünf Notnlinien normal bloß recht söitn valassn muaß.

Da Michael und da Peter spuin de zwoastimmige Melodie vo unsere woachn Arrangements ganz harmonisch und mit vui Hingabe – wenn’s eahnane Lesebrilln ned vagessn ham.

Oft ratschn’s dabei nur z’ gern in eahnam eignen Ernst-Mosch-Paralleluniversum über de richtige Artikulation und de gmoasame böhmische Phrasierung.

Rainer

Kontrabasstuba

Da Rainer – koana blost reiner – is ned bloß da Aufpasser, sondern mit seina Kontrabasstuba aa da Maschinist vo unserer Kapelln. Er sorgt fia s’ feste Fundament vo unserer Musi.

Bei da Debattiererei um de böhmische Phrasierung, de eam oft auf d’ Nervn geht, hoit er se mit Absicht im dunklen Untergrund: „Wia soi ma mit da Tuba auf da Oans böhmisch spuin? Des werd doch ois maßlos überbewertet!“

Und er is felsnfest überzeugt, dass beim Walzer a Viertlnotn fehlt.

Hannes

Ziach

Da Hannes werd mit seina Ziach ois oanziger, der ned blost, vo de andern oiwei wieda gern außegschmissn und bei unsere gmoasamen Musigruppntherapiestundn – sogenannte Probn – drangsaliert.

Ois scheenster und oanziger Müller vom Märkischen Kreis steht er aber ganz gelassn über de gemeinen, weltlichen Sachan.

Mit oiwei mehra Freid und oiwei bessera Trefferquote konzentriert er se ganz auf sei rhythmisch-harmonische Begleitung. Scheener ko ma an Nachschlag oafach ned beschreibn.

De vier Musikanten mit eahnane Instrument an de Strohballn

De Besetzung

Vier Instrument, oa Klang

Bassflügelhorn, Trompetn, Tuba und Ziach: De Zammstellung kimmt aus da alpenländischn Volksmusi und is mittn in Nordrhein-Westfalen rar wordn.

De braucht koan Verstärker – und grad drum kimmt der woache, warme Klang raus, bei dem vier Musikanten aufanand hörn miaßn statt auf an Regler.

Wos mia spuin

Ham mia Eahna neugierig gmacht?

Na san S’ bei uns grad richtig

Hochzeit, Geburtstag, Frühschoppn oder Summafest: Sogn S’ uns, wos S’ vorham. Fia draußn bringan ma, wenn’s braucht, unser eigne Bühne mit.

Ofrogn 02331 587754 & AB

Ansprechpartner: Peter Dembler